RUNAKUNAPA SHUTIPI KAK HATUN TANTANAKUYKA KAWSAYPA ALLI KAK PUSHAK NISHKA KILLKASHKAKUNATA KUNANTAK RIKUNAPI CHURASHKATAMI HARKAN
Llakta Pushakka “uma illakpash, alli kakta mana rikuy ushakpash” nishpami Runakuna shutipi kak Hatun tantanakuyta nirka, pushak nishka killkashkakunaka tukuy kawsaypami alli karka nirka. Llakta Pushakka “wañukuk Runakunapa shutipi kak Hatun tantanakuyka ña wañukuk shina kashkamantami tukuy mama llaktata llakichinkapak munan” nirka, shinami mushuk Wasi pushakunata churanapi nirka.
Llakta Pushak Correaka chashna Runakunapa shutipi kak Hatun tantanakuypa mana nishkawanka 1.400 yachana wasita allichikrikushkata, kamukunata yanka kunatapash, shunkunata kunatapash, Macaspi hanpina wasita shayachinatapash, San Lorenzo hanpi wasita mirachinatapash, 35 kamaypa hanpi wasikunaman mutsurishkata kunatapash, 4.000 hanpita llankachinatapashmi harkarin nirka.
Llakta Pushakka “chashna rurashkawanka ñankunata allichinatapashmi harkankuna, San Vicente chakata, Esmeraldas-Tachina chakata allichinata, Zamora-Loja-Cuenca ñanta, shuktak ñankunatapash allichinata harkankuna, chaykunataka kunantak rikuna churana kullkiwanmi rurakushka. Llakta Chapayta, Shuti killkachina Wasitapash mushukyachinatapash harkankuna, chaytaka pushay yuyaywan rurashpa, tsikniwan rurashpami chashna harkankuna” nirka. Tukuy kaykunatami Llakta Kamachi Tantari allichichun mañashun nirkapash. /JH/Ushku Chukuri/Llakta pushay wasipa killkay.
|
|
