“AMÉRICA LATINAPA MAKANAKUY ILLAK SHAMUK PUNCHAKUNAMI RIKURIN, SHINAPASH CHAYPAKA SAPIMANTAMI SHUKTAKYACHINA KAN”
Llakta Pushak Rafael Correaka kunanmi “América Latinapa makanakuy illak shamuk punchakunami rikurin, shinapash chaypaka sapimantami imakunata shuktakyachina kankuna” nirka, chaytami “América Latina: makanakuy illak shamuk punchakunamanta” nishkapi chashna nishpa rimarka.
Llakta Pushak Rafael Correaka “América Latinapi neoliberalismo nishkapa yuyaykuna tiyakpik, chay shina yakutapash kamay kancha makipi churankapak munakukpirakka, makaknakuy illak shamuk punchakunamanta mana rimay usharinchu” nishpami ashtaka apunchikta katikkunapapash, pushaykunapapash ñawpapi nirka, paykunaka Sala Italia-Castell dell´Ovo nishkapimi karka, chaypimi “Makanakuy illak pachapa, apunchik yuyaykunapapash kawsaykunapapash rimanakuy” nsihkapimi chashna nirka.
Llakta Pushakka “wakcha kawsayka mana imakunapash illashkamantachu tiyan, ashtakata charikkunami paykunapalla imakunatapash hapishkakuna, wakchakunapika mana imatachu yuyashkakuna, mana pinkakkunami kankuna” nirka, shinapash chayka Kamaykuna ima tiyashkata tukuykunaman pakta pakta rakinkapak mana munashkamantapashmi kan nirka.
Amércia Latinaka shuktakyachinakunatami rikukun.- Llakta Pushakka “Amércia Latinaka mana shuktakyachina punchakunatachu kawsakun, chaypa rantika punchakuna shuktakyakushkatami kawsakun” nirka, shinami “neoliberal nishka yuyayka urmakunmi, mushuk shikan yuyaykunami llukshimukun, wakinkunaka mana cabalchu kankuna, wakinkunaka rurarikunkunami, wakinkunaka chayrak shayachirikuk shinami kankuna, shinapash tukuykunami ashtawan pakta pakta kanatapash, alli kawsaytapashmi maskakun, chay shina shuk makanakuy illak kawsayta charinkapakmi maskakunkuna” nirkapash.
Llakta Pushak Correaka “Sudaméricapika chay shina Ecuadorpipash, ashtaka shuktak yuyaykunawan, mitsarikkuna, alli kanata maskak kamyakunami chayamukunkuna, paykunaka llaktapi kawsakkuna llapishka shina kawsayta sakinkapak munashkamantami chashna kan, paykunami chaylla nishkakuna, kaypimi kanchikpash nishkakuna” nirka.
Ecuadorka ñawpamanmi rikun.- Llakta Pushakka Ecuadorka kawsaypi pakta pakta kana illakta shuktakyachinkapak rurakushkatami nirka, “kawsaypa pushaykunaka enero killamanta, 15 punchamanta shikan imakunatami pukuchikunkuna. Shinami wakchay kawsaypa yupayka pishiyakun, shinallatak 20 wata kipa pakta pakta kana tiyakrikun, kunanka ima charishkapash shikan shinami rakirikun. Shinaka pakta pakta kanawan, kikinpa kashkata mitsaywan, kishpi kanawanka tukuy ima rurankapak munashkataka karillami ruray ushanchik, chaywanmi chay millay makanakuytaka karilla chinpapuray ushanchik” nirka.
Tukuy rurana kashka.- “Chay shikan shamuk punchakunata paktankapakka mana América Latinapa mama llaktakunata, kawsaykunata, llaktakunatachu mutsunchik, chaypaka tukuy kawsaytami mutsunchik” nirka, shinami shuktaklaya tanatrinata mutusirinchik, chayka mana neoliberal munashka tantari shinachu kana kan nirka. “neoliberal nishka tantarika shuku illakmi karka, mana tantari kawsay tukuchunchu munarka, payka tantarishka katuna panpapash, tantarishka rantikkunapash tukuchunmi munarka” nirka.
Ashtawan alli pacha.- Llakta Pushakka “ashtawan alli, pakta pakta kak, shunkuyuk pachata tarinkapakka kullki charina linchimi pakta pakta kana kan” nirka.
Llakta Pushak Correaka karu llaktakunawan Apanakuy Wasi pushakwanpash, karu llaktaman ri Wasi killkakwanpash, Willay Wasi killkawanpash, shuktak pushakkunawanpashmi karka.
|
|
|
|
 |
