KAMAYKA PICHKANIKI SUYU NISHKA TIYASHKATA RIKUCHINKAPAKMI SHUKTAKYACHINA KANKA NIN
Llakta Pushak Correaka kunami Llakta Kamachi Tantari pichkaniki suyu tiyashkata riksina kan nirka. “Ñukanchik mama llaktata chuskupi rakishka kashkata mana yuyashpa kati ushanchikchu, chay shina kucha mama manña allpapi, urku allpapi, Amazonía nishkapi, Galápagos nishkapipash rakishka kashkata ña mana ni ushanchikchu, pichaniki suyupashmi tiyan, chayka `karu llaktaman rishka´ nishkami kan” nirka.
Shinaka mana Karu llaktaman ri Wasimantapa yanapayllatachu chaskinaka, ashtawanka internet nishkapi imapash tapunami tiyanka, Banco del Afiliado nishkapashmi tiyanka, shinallatak karu llaktakunapi kakkunaka pushaypipashmi kay ushankakuna, shinami paykunapuramanta Runakunapa shutipi kak hatun tantariman rikchun akllarinkapash.
Llakta Pushakka “chay kimsa hunu karupi kawsakuk pushaypi imatapash ni ushanchunpash, paykunapa shutipi pillapash kachunpashmi chashna rurana kan nin. Chaykunatami shamuk Llakta Kamachi Tantaripika rurarinka” nirka.
Llakta Pushakka Ecuador1997 watapi kullki charinapipash, kawsaypipash, shinallatak kullki wakaychi wasikuna kullkita shuwashkamantapash kishpichik nirkami. “Chaymantaka mana huchayukchu kani, shinapash shuwakushkamanta, llullakushkamanta, kamaypa makimanta llukchikushkamanta, kikinllapa kachun munashkamanta, mishanakuymanta mana imata nishkamanta, upalla sakirishkamanta huchayukmi kani. Chashna karu llaktakunaman rinaka pushaypipash, kullki charinapipash mana alli kashkatami rikuchin” nirka.
“Imakunatapash shuway usharkakuna, shinapash shamuk punchakuna alli kanaka kaypimi kan, Ecuadorpi wiñakunmi. Tawakaunami shamuk punchakuna alli kanata yuyankuna, shinaka ashtaka shuktakyachinakunatami rurakrinchik, chayta munanchikmi. Yuyarichik, ñukanchikka kankuna maypi kakpipash, llaki illaywan, runakunapa kamachikunawan kawsachunmi llankashun” nirkapash.
Karu llaktaman rinapa rimay.- Ecuadormanta Italiapi kawsakkunapa yachay chayachi Bertha Zuritaka Llakta Pushak chaypi kasjhkamanta pagui nirkami: “Punta kutinmi shuk Llakta Pushak Nápolesta rikuk shamun. May kushillami kanchik, chashna karu llaktapi kushiyachishkamanta tukuy shunkuwan pagui” nirka.
Karu llaktamanta rishkakunapa shutipi kachamushka Mercedes Pandaka ashtawan sinchimi rimarka: “Ari tikrashun ninchikmi. Llakta Pushak chay shina mushuk Ecuador llaktata chuya makikunawan shayachinkapak kimichishkamanta pagui. Ñukanchikka kikinta yanapankapak shuyakushunmi” nirka.
Wawakunapa, wanpra kuytsakunapa shutipi kachashka Mendozaka Llakta Pushak Correata paykunata uyachun mañarka, “ñukanchikka mama llaktata ñawpaman apankapak hatunpash sinchipash yanapaymi kanchik. Ecuadorman tikrankapak munanchikmi, ñukanchik yachashkata kunkapak munanchikmi, shinami kikin ñukanchikmanta rurakushkata pagui nishun” nirka.
Llakta Pushak shamushkamantami pagui nik shinami, karu llaktamana rikkunapa wawakunaka Llakta Pushakmanpash, karu llaktakunawan Apanakuy Wasi pushakmanpash, Allpa-Wayra Wasi pushakmanpash; Karu llaktaman ri Wasi killkakmanpash, Willay Wasi killkakmanpashmi karanakunata kurkakuna.
Chay tantarika Santa Brigida apunchik wasipimi karka, chaypimi Llakta pushakka Guayaquilamanta, Quitomanta, Guarandamanta, Riobambamanta, El Puyomantapash kay karu llaktaman shamushkakunami karkakuna, paykunaka kushillami maki waktarkakuna, shinallatak “alli Llakta Pushak Correa”
|
|
