MANA TUKUY “SANTO DOMINGO DE LOS TSÁCHILAS MARKATA SHAYACHINA KAMACHI” NISHKATACHU ALLIKACHIRKA
Llakta Pushak Rafael Correaka kunanmi mana tukuy “Santo Domingo de los Tsáchilas markata shayachina kamachi” nishkatachu allikachirka, chaytaka Runakunapa shutipi kak Hatun tantanakuymi alli kashkata nirka.
Kallari mana allikachishkaka maykaman chay mushuk marka kashkami karka, chayta mana ninkapakka Mama llakta Ukupi Maykaman kashka Tantaripa nishkatami rikurka, shinallatak Cotopaxi markapi kak Sigchos kitipapash Santo Domingo de los Tsáchilas maykaman kashka shuti killkashka pankakunata rikushpapashmi mana allikachirka.
Ishkaynikipika kaytami nirka, Llakta Kamaypa kallrimanta nishkatami kutinllatyak uyachirirhska, La Consordia nishkapa maykaman kashkataka chaypi kawsakkunallatakmi allichina kankuna, chaypàmi shuk tapuchina tiyanka, chaywanmi la Concordiapi kawsakkunaka maykan markapi kankapak munashkata ninkakuna (Santo Domingo de los Tsáchilas mana kashpaka Esmeraldas), kaykunataka Runakunapa shutipi kak hatun Tantarika mana imatachu nishka.
Shinallatak Santo Domingopi Consejo Provincial de Pichincha nishkamanta kak pushakkunatapash, llankakkunatapash llukchishpa kachanataka mana allikachirkachu, chaypa rantika chay llankakkunaka mushuk consejo provincial nishkapimi kana kan, shinami paykunapa llankashka watakunata mana yanka shitarinka
|
|
