LLAKTA PUSHAKKA CONESUPPA KILLKASHKATAMI TUKUY KUNA RIKUCHUNPASH CHAY HAWA RIMACHUNPASH TIYANKA NIRKA
Llakta Pushak Rafael Correaka kunanmi Consejo Nacional de Educación Superior (Conesup) nishkapa killkashkaka “tukuy kaypi kawsakkunapa makipimi kanka, shinami chay hawa rimanakunkakuna, taripanakunkakuna, shinami ashtawan sumak llankanata rurankakuna” nirka.
Shinami Llakta Pushakka Conesup nishkapa killkashkata chaskinapika nirka, pamkakunata killkakkunatami chay rurashkamanta pagui nirka, paykunaka kanchis killatami killkashkakuna, chashna rurachunka, kay wata 2007, sarun enero killa, 29 punchapimi mañarka.
Shinallatak chay killkanapi “kamay achiklla” kashkatapashmi allikachirka, killkanapika Kamayka shuktak rurak shinami chaypi karka, kamaypa shutipimi María Paula Romoka karka.
Chashna mañashkaka Llakta Kamachi tantaripa shuk yanapay shina kachunmi karka, chay shina ama nimawan kallarinkapak”. Shinapash, Llakta Pushakka chay killkashkakunamanta rimanakunami kan nirka.
Conesup nishkapa pushak Gustavo Vegaka kay killkashkaka ashtaka kamachikunatami hapin, chaypika 370 yalli piti kamachikunapashmi tiyan nirka. Shinallatak “chay rurayka runakunapa 700 yalli rurasha nishkakunawanmi ashtawan sumak tukushka, chaytaka allita rikushpami killkarirka, kishpilla yuyashpami killkarirka, ima shina Sumak yacha wasipi yuyarin, chashnallatakmi rurarika” nirka.
Llakta Pushakka Conesup nishkapa tanatrimanmi “mama llaktapa ashtaka kamachikunata paypura tantachichun mañarka, chay shuk yalli mana hatun llankaymi kan, chaytaka sumak yachay wasillami ruray ushan” nirka.
Llakta Pushakka “Kamaypa tukuy yanapay tiyashka yachaychik, shinami kamachikunata paypura shinata tantachinkapakka mana ima harkaychu tiyanka, kamachikunata mushukyachinkapak mana ima harkaychu tiyanka, chaytami mama llaktapa kamachi kawsayta allichinkapaka mutsurin” nirka
|
|
