KAMAYKA ANTANKAWAN LLANKAK WASIKUNAPAPASH KARU LLAKTAMANTA ANTANKAKUNAPAPASH YANAPANA KULLKITAMI ANCHUCHIRKA
Apay apamuypash Kamay shayachi Wasi pushak Hector Villagránka kunanmi Llakta Pushak Rafael Correa pushak nishka killkashkata willarka, shinami antankawan llankak wasikunapapash karu llaktamanta antankakunapapash yanapa kullkita anchuchishkata nirka.
Yanapana kullkitaka LAN Ecuador nishkami chaskik karka, chayka Ecuadormanta antankawan llakak wasimi kan, shinapash antankakunaka karu llaktamanta panakunatami charinkuna. “Chay yanapana kullkika mana tiyanachu karka, chaytami anchuchikunchik” nirka.
Shinallatak shamuk punchakunapimi Aerogal nishka Estados Unidosman rikrikushkata nirka, chaypika tukuymi Ecuadormanta kanka.
Montecristipi wasikchikushkamanta.- “Cuerpo de Ingenieros nishkaka ñami wasichinata tukuchikun. Yaykunatapash, allpa llanpushaktapashmi rikushkani. Antawan rurashkakunaka ñami tukuchishka kan. Yakupash, michapash, Internet nishkapash Llakta Kamachi Tantari llankanapa kallari punchaka tiyankami” nirka.
Ñankunamanta.- Wasi pushak Villagránka kaya punchami Lojapa, Cuencapa, Azoguespa ñankunata puirnka, shinami allichikushkata rikunka, shinami Cuerpo de Ingenieros del Ejército nishkaka ñankunata kunantak rikuna kullkiwanmi chashna rurakun nirka.
“100´000.000 dólarmantami rimakunchik, chayka rumi shina llanpuchishkapami kanka. Llakta Pushakmi tukuy ñankunata kunantak rikunapa kullkiwan rurachun nirka, chayka mutsurishkakamanmi tiyanka” nirkapash.
Antakurumanta.- “Shamuk junio killa, 25 punchami antakuruka kutintak puri kallarinka. Chaypaka 20´000.000 dólartami charinchik. Ñami chakapa tawnakunapash antashayachinapash shayachishka kan. Ashtakatami rurashka. Tukuy ushashkapimi llankakunchik” nirka
|
|
