KAMAYKA 22 DÓLARPI SAKIRICHUNMI TRIGO HAKUPA YANAPANA KULLKITA MIRACHIRKA
Llakta Kamayka kunanmi 50 kilo nishka tulu trigo hakupi 10 dólarwan yanapanata willarka, chaymantami 22 dólarpi tanta rurakkunaman katurinka nirka.
Kay martes puncha Shuktaykachik Mishanakuy Wasi pushak Raúl Sagastipash; Mama kucha manñamanta Wasi pushak Ricardo Patiñopash, trigota kutakkunapash tantarishka kipami, Kamay 340.000 tuluta trigota katukkunata rantichun ari nirkakuna, chay tulukunaka 50 kilo nishkayukmi kan, shuk tuluka 32 dólarmi valin, shinapash tanta rurakkunamanka 22 dólarpimi katurinka.
Chashna katunkapak rimashkaka octubre noviembre, diciembre killakunapami kanka, kipaka mama llakta kanchapi trigo nishka ima shina kashkatami ima ruranata rikurinka, shinapash kayna killakunapika ashtawan valikushka, shinami kunanka 430 dólar shuk tonelada nishkaka valin, chaymantami Kamayka 3,50 yanapana dólarwanka mana kati usharirka, chayka septiembre killapami karka.
Shuktakyachi Wasi pushak Raúl Sagastika “yanapashka kullkika tantata rantikpami kan, chaypaka Suyupa watan kullkimanta llukshin” nirka.
Wasi pushakkunapash kutakkunapa shutipi shakunkunapashmi chay tupariman rirkakuna, paykunaka allichinkapak munaywanmi karka, shinami rimanakushpa imatapash allichi usharishkata rikurirka, chashnami imatapash allchiri kashkata rikurirkapash.
Kunan rimashkaka llakta pushak nishkapa nishkawan paktallami kan, chaytaka sarun septiembre killa, 6 punchapimi surkuchirka. Rantina katunataka Banco Nacional de Fomento (BNF mishu shimipika) nishkapimi rurarinka, chasnami nihskamantami chashna kana kan nirkapash
|
|
