Rafael Correa: “Mana kunkaripak punchami kakrin”
Quito/26 / Noviembre/2.006.- Alianza PAÍSmanta pushak kakrik Rafael Correaka kay 26 / noviembre / 2.006 “shuk mana kunkaripak punchami kakrin, mushuk kawsaypa, kushilla kawsaypa, shinallatak tukuy kaypi kawsakkunami mishashun” nirka.
Quitopi Alianza PAÍSpa jatun wasipimi chashna nirka, Correaka “tukuy kay llaktapi kawsakukkunapa mishanataka mana pi jarkay ushankachu” nirkapash, shinapash “shitana punchada rikuriyanami kanchik” nirka, ashtawanpash ñukanchik mishayka yallimana jatunmi kanka, chaymanta imatapash llullashpa rurashpapash mana paktay ushankachu” nirka
Alianza PAÍSpa pushak karikka “mishana kashkata yachanimi” nirkpash, ashtawanpash “mana pakta pakata mishanakuychu kanka, ñukanchikka ashtakawanmi mishakrinchik” nirka.
Rafael Correaka kankuna akllashkata mitsanami kankichik nirkapash, shinapash “akllashkata rikuriyankapak mashikunaka allitami llankakunkuna, shinami ñukanchik mishaytaka mana shuwankakuna” nirkapash, shinallatak mishayta ama shuwachun akllashkata rikukkunata tukuy shunkuwan pagui nirkapashmi.
Shinapash Correka chay PRIANmanta ishkay mishukuna Colegio San Gabrilpi, Quitopi, Tribunal Supremo Electoralmanta kashkata llullashpa nishkamanta yachay chayashpa ashata llakirirkami, shinapash chay ishkaymanta shukka wichashkami kan.
Shinallatak Guayas markamanta Tribunal Supremo Electoralpa pushak Alvaro Noboapa
Promo kashkamahtapashmi rimarka, chay pushakka mana utiyalla acta nishkakunata rikurikrinchu nishkami, ashtawanpash ima pantaykuna tiyashkatarakmi rikurikrin nishkamanta rimarkapash. Alianza PAÍSmanta pushak kakrikka, chashna kakpika, ishaky mana caspa kimsa horastami unayarinka, ashtawanpash chay pankakunaka chay Tribunal Provincialpimi sakirinka nirkapash. Correaka Kazan kana kashkataka mana munanchu, chay acta nishkakuna chayashkawanmi yupashka kana kan nirkapash.
|
|
