Rafael Correaka Central Técnico Colegiopimi shitarka
Quito / 26 /noviembre / 2.006.- Alianza PAÍSmanta Ecuadropa pushak kakrik Rafael Correaka 9h16mi Quitopi Central Técnico Colegiopi shitarka.
Correaka, paypa warmi Anne Malherbewan, 9h10ta shitana kuskaman chayarka, chaypimi tauka paypa katikkuna payta chaskirka. Shinallatak Alianza PAÍSmanta wakin jatun pushakkunapash chaypi karka, chay shina Alberto Acosta, shinallatak pushakpa katik Lenín Morenopash chaypi karka.
Ñakallaka, Morenota, Correawanmi 8h50 Quitopi, San Gabriel Colegiopi shitarka, chay cuskapi wakin llakikunami tiyarka.
Central Técnico Colegiopika, Rafael Correaka paypa kikin killkana kaspiwan akllana pankapika aspirka. Shinami tukuykuna rurachun mañarka, ama chay 20 minuto kipa chinkariklla killkana kaspikunawan aspinkapak.
Alianza PAÍSmanta pushak kakrikka, 11h00tami San Francisco Apunchik wasiman misata uyankapak rinka, shinapash manarak Guayaquil llaktaman rishpami 3 junu karu llaktapi kawsakkunaman imanallatak kankichik nishpa naparka.
Kutin kutinmi, akllayta rikuriyachun mañarka, ashtawanpash pantachishpa, llullashpa shukta mishachiktaka wichachinami nirka. Shinallatak chay Tribunal supremo Electoral “mana imapa valik kashka”mantapashmi rimarka. Shinallatak shitana ama katushka rantishka kachunpashmi mañarka.
|
|
