Alianza Paíska ministro Delgadopash eeuupash Ecuador llaktata colomabia ukupi makanakuypi yaykunchinkapak munaktami tukuykunaman yachay chayachin
Alianza PAÍSka mushuk Ministro de Defensa Marcelo Delgadopash Estados Unidospash Ecuadorta Colombia llaktapa makanakuypi yaykuchinkapak munashkatami willachin. Kayna punchakunapi Colomabia llaktawan llakikunata rikushpa, shinallatak Base de Manta nishkata kaypi katichun ari nishkamantapashmi chay Plan Colombia kashkata rikurin, shinaka 1.999 watapi killkashka pankakunaka yankalla kashkata rikurinpash.
Rafael Correapa pushakuk tantanakuyka Ministro Delgado makanakuk shayarinkapak munakmi kan, shinallatak “Febres Corderopa karipashmi kan”, payka Colegio Interamericano de Defensa de Washingtonpimi yahcakurka, shinallatak Fu Shing Kangpi Academis de Guerra Políticapi, Taiwanpi, yachakurkapash. Chaykunapillatakmi Lucio Gutiérrezpash yachakurka, chaykunaka Runakunapa Kamachikunata mana paktachi kashkamantami mana alli rikushka kankuna.
Alianza PAÍSka Base de Manta killkashka pankata likichunmi mañarka, Estados Unidos chay killkashkakunata mana paktachishkamantami chashna kachun mañan, chayta 1.999 watapi killkarirka. Chay killkashka pankakunapika “antankakunata rikunkapak, millay janpikunata antankakuna apakukta rikunkapak” nishpami killkashka karka.
Alianza PAÍSpaka Estados Unidoska chay base nishkatapash wayratapash mana killkashkapi tiyashkakunapimi japishka nishpami willan, shinami chay Plan Colombia nishkapi Colombia ukupi makanakukta llakichinkapak yaykushka, nirka.
Shinallatak chay Base de Manta nishkapi Irakpi makanakuchun akllashpa chaskik kashkatapash willarka, EPI Sucurity an Investigation nishkami chashna chaskik karka, Jefrey SIPImi pushak karka, payka Dyncorpwanmi llamkarka, Dyncorpka ima mutsurishkatami Puesto Avanzado de Operaciones de EEUU nishkaman, Mantapi, kurka
Rafael Correaka kutin kutinmi karu llaktamanta makanakuk Ecuador llaktapi kachun mana munashka, shinallatak chay killkashka pankakunata kutinka mana firmarinkachu nishkapash. Chaytaka Jamil Mahuadpa gobiernopimi, 1.999 watapi chunka watapa firmarka
Alianza PAÍSka Ecuador shuk llaktakunapa makanakuypi mana satirik kashkatami rikuchinka nin. Shinapash Rafael Correapa Gobiernoka karu llaktakunapa kamachikunawan mitsarinka, chay shina taripachun, kaypi kawsakkuna llaki apashkakunata riksichunpash. Tukuy kaykunaka Colombia llakta makanakunkapak munashkamantami, EEUUpa yanapaywan, chashna tiyashka.
|
