karu llaktakunapi kawsakkunapa jatun ruranatami riksichirka
Ima shinami Gobiernopi kashpa ruranata riksichirka, shinallatakmi “Karu llaktakunapi kawsakkunapa jatun ruranata riksichirka. Katik pushak Lenín Morenomi kaytaka kay martes 29 punchapi, agosto killapi, 10ho30pi, Alianza PAÍSpa jatun wasipi (Shyris ñanpipash Portugal ñanpipash, tirarían pata chinpapimi sakirin) riksichirka.
“Karu llaktakunapi kawsakkunapa jatun rurana”ka chay karu llaktakunapi alli kawsachunmi munan, shinallatak kaypi kichushka shina sakirishka ayllukunata yanapankami.
Kay ruranaka kaypi sakishka ayllukunatapash karu llaktaman rikkunatapashmi yanapasha nin, chaypaka janpirinapipash, yachakunapipash, llamkanapipash, wasichinapipash, kamachikunata ruranapipash, ayllukunata tantachinkapak kamachikunapipash, runakunapa kamachikunata yupaychanpipashmi yanapasha nin.
Karu llaktakunapi kawsakkunapa jatun ruranaka shuktak llaktakunawan pankakunata killkachunmi maskan, chaykunapimi wawakunapa kuna kashka kullkita kuchunpash, llamkashka kipa kullkita chaskichunpash, shinallatak unkushka kashkamanta, llamkashkamanta llaki apashkamantapash, yaya-mama illak sakirishkamantapash, yaya kashkamanta kamachikuna rurarichunpashmi maskan. Kaykunawanmi Alianza PAÍSka sumakta llamkasha nin, chay shina karu llaktapi kawsakkuna alli kawsachun.
Kay pankunataka http://migrantes.rafaelcorrea.com nishkapimi ashtawan rikuy ushanki.
Kay rimashkaka 4´40´´tami unayan, kaytaka kaypimi uyay usharin:
Munashpaka kaymantallatakmi uynataka uriyakuchi ushanki. aquí
|
|
