Ashtaka ashtakakunami Correata la Manápipash Valenciapipash chaskirkakuna
Waranka waranka runakunami ishaky jatun tantanakuypi, shinallatak antawakunawan purinawanpashmi Alainza PAÍSmanta pushak tukukrikuk Rafael Correata chaskirkakuna. Kay sarun sábado domingo punchakuna Los Ríos markapipash Cotopaxi markapipashmi karka. Chaykunapi paypa poshka rural-ñanta riksischinkapakmi karka.
La Manápi, Cotopaxi markapi, Correaka concejal tukukrikkunawan consejero tukukrikkunawanpashmi jatun ñankunata purirka. Paypa rimaypika “llaktaka utiya unikillaykunatami mutsun, mana jawalla shikanyachinakunatachu mutsun, chaymantami Alianza PAÍSpa rurankapak munashkaka kutin llaktata charina kan, chaymantapashmi constitucional unikillanata mutsurinpash, chaymantami ñuka pushak kashpaka, 002 decreto nishkaka tukuykunaman tapunaman kayanami kanka, chashna asamblea constituyente nishkata shayachinakapak, chay asamblea nishkaka Estado nishkatami unikillana kanka, chaypaka mana ima jarkaychu tiyanka.
VALENCIAPI
Valencia shutiyuk cantón nishkapimi Rafael Correaka purirka, chaypika sábado tuta shuk jatun raymi shinami tiyarka, chaypika 8.000 yallimi karkakuna, paykunaka Correawan kashkata rikuchinkapakmi munarkakuna, shinallatak unikillay kallarishkata rikuchinkapak. Ashtawanpash mawka, mana imapak valishkakunataka “mushuk kawsayta munakkunapa akllaywanmi shuktak Ecuador llaktata charipa yuyakkunawanpashmi akllaypi millay mapakunataka panpashun”
Llakta yaykunapika 250 jatunpash uchillapash antawami tantanakurkakuna, antawawan llamkakkunapash Correawanmi kankuna, paykunapash Correa pushak tukuchun yanapakunkunami.
Valenciamanta pushak Marcos Troyami chashna kayarka. Kaynalla payka PRE nishkamanta llukshirkami, kunanka Correatami yanapakun, shinallatakmi shuktak runakunapash payta katishpa PRE nishkamanta llukshirkakuna, paykunaka “mapa ruraykunamanta” ña shaykushkami kanchik, chashnamantami mana tukuykunamanta llamkay usharin nirkakuna.
“Kay llaktaka allpapi llamkakmi kan, shinapash mana allpapi llamkay tiyanchu, kay llaktaka charikmi kan, shinapash mana tarpuy ushanchu, alli kullki chaskina mana tiyashkachu, allpapi llamkakkunaka llamkanatallami munan, sinchi llamkashpa katinata, tamiyakpi mana tamiyakpi, gobierno nishkakuna yanapakpi mana yanapakpipash Ecuador llaktapi kakkunata mikuchinkunami” Correaka Venecia jatun ñanpi shayachiska patakupimi chashna rimarka, chawpi tuta kakpipash, chay waranka waranka runakunaka chaypimi uyashpa karkakuna.
Rafael Correaka shuk punta jatun rurayka allpapi llamkanami kan, nirka. Chaymantami Banco Nacional de Fomentoka 10 watapa mañachishka kullkita chaskinkapakka jawallayachina kan, shinallatak kutin kullkita mañachina kan, “chashna rurashpaka, paykuna alli kashkata rikuchishunmi, shinallatak llamkashpa katichunpash, ashtawanpash paykuna ima llamkankapak mutsurishkata kuhspapash, chay shina kakpika, shuktak llaktaman llukshina yuyakunaka ña mana tiyankachu, shina kakpika paykunapa yuyayta, paykunapa ayllukunata shitashpa rinata kunkarinmanmi, kunanka kayka tukuy Ecuador llaktapa shuk jatun llakimi” nirkapash.
|
|
