Correaka asamblea nacional constituyente nishkawan mana pinkay kanaka tukurinka nishpa Febres Corderota kutin kutin nirka
Alianza PAÍSmanta pushak tukukrikuk Rafael Correaka Asamblea Nacional Constituyente nishkawanmi kutin kutin diputado tukunaka tukurinka nishpami Febres Corderotaka kutin kutin nirka, chashnami ña taripanamantaka mana kihspi ushanka nirka.
Alianza PAÍS shamuk 15 octubrepi mishakrikushta yachashpami manchaywan kan, chaymantami yallimana sinchita rimakun, shinallatal mushuk gobiernopika Runakunapa Kamachikunata mana paktachishkatami kutin rikushun, kaytaka agosto 1.984 watamantami rikuy kallarishun nirka.
Pushak tukukrikukka kay domingo punchami Buenos Aires llaktaman rinka, chaypimi Asociación Madres de la Plaza de Mayo nishkapa pushak Hebe de Bonafiniwanmi tantanakunka. Chashnami dictadura militar pushakushkapi runakunata llakichishkamanta wañuchishkamantapash ashatwan yachanka.
Rafael Correaka social cristianota pushakpa sinchi rimashkataka mana manchanichu nirka, ashtawankarin 20 wata washa Febres Cordero llaktapa pushak kashpa tukuy payta mana alli kachiktaka comunista nishpa juchachik kashkata yuyarinami kanchik, nirkapashmi.
Correaka LFCmi “Ecuador llaktapi mana imata rurashpa kullkita chaskik” shuwa shina kan nirka, LFCka Congreso nishkaman mana llamkankapak rinchu, shinapash $30.000 dólartami chaskin, nirka. Ashtawanpash LFCka 38 watatami Congresopi kan, paypashmi ñukanchik llaktapi llaki tiyachun yanapashka, nirkapash.
Alianza PAÍSpa pushak tukukrikukkatukuy paypa kawsaymi charik charikkunawan kimirishka kashka, chay shina Alvaro Noboapa yayapa empresa nishkaunapimi llamkarka, shinallatakmi Congreso nishkapipash llamkanka, chay yuyaywanllatakmi Ecuador llaktapa pushak kashpapash llamkarka, charikkunapi yuyashpa.
Correaka León Febres Corderopa PSC nishkaka Filmar Gutiérrezpash Leonardo Escobarpash pushak tukunapi kachunmi munan, chaytaka kayami Tribunal Constitucional ima nikta yacharinka nirkapash. Socialcristinanokunaka Viteripa pushak tukuna ama chinkachunmi piwanpash kuntrakunawanpash tantanakunkapak munankuna, nirka.
|
|
