200 patsak yalli Alianza Paísmanta pushakkunami constituyente nishkapa tantanakuyman shamurkakuna
Kunan, 24 agostomi tukuy Ecuador llaktamanta 200 yalli Alianza PAÍSpa shikan pushakkkunapash concejal tukukrikkunapash consejero tukukrikkunapashmi Santo Domingo de los Coloradosman chayamunkakuna.
Alianza PAÍSpi kakkunapallami kan , kayka kaya viernes punchami tukurinka, tantanakuypika Katik pushak Lenín Morenopashmi karka, payka Correata katikkuna imashina “yallimana” miraksuhkamantami rimarka, “Correapa pushanaka ashtawan mirakrikukmi kan” nirkapash.
Correaka enero killapi 15 punchapi 2.007 watapimi, ña llakta pushak kashpa, Asamblea Nacional Constituyente nishka tiyanata tapunkapakmi kayashun nirka. Shinallatak chay tapunapika llamkaypa mushuk kamachikunata charinkapakpashmi, partido político nishkakuna ynaka runakunapash akllaypa kachunpash tapushun nirka. Shina kakpika, parti políotico nishkakunapashmi firma nishkakunata chay asambleapi kankapak tantachina kankakuna.
Alianza PAÍSpa tukuy Ecuador llaktamanta pushak Ricardo Patiñoka Correapa pushak tukunapa llamkayta allikachishpa rimarka, shinallatak Tribunal Supremo Electoral 305.000 firma nishkakunatami allimi kan nirka, León Roldóswan rikushpaka 56.000 yallitami charinchik nirka.
Correaka Roldós 10 agosto Freddy Ehlerswan killkashka pankata mana paktachishkamantapashmi rimarka. “Roldóska sapimanta unikillayta mana munachu, payka uchillalla shuktayachinakunatallami munan, chaykunataka Congreso nishkami ari nina kan” nirkapash.
Alianza PAÍSpa pushka tukukrikukka Alvaro Noboa Ecuador llaktamanta ashtawan charik kashkapash, impuesto a la renta nishkamanta kullkita kuna kashkata rikuhspaka iskunpa kipami kan, payka 173.000 dólartami kun, chayka killan killan 60.000 kullkita chaskikpami kan, “shinapash payka killan killan 600.000 dólartami chaskin”. Correaka paypa Gobiernopika chashna mana kullkita kukkunata rikuriyakushunmi, nirkapash.
Correaka Guayaquilpi pushak tukukrikukkunapa tantanakuypi imata rurasha nishkakunata riksirirka, shinallatak llakikunata allichinkapak mana ima nishkataka, mana chashnachu kan nirkapash. Chaymantami chaypi kak 3.000 runata imapash alli rimay yuyay tiyarka nichunpash kayarka.
|
|
