Respaldo del Movimiento de Emigrantes Ecuatorianos -MOVEME-
Ecuadormanta karu llaktapi kawsak mashi:
Kunan Ecuador llaktapi akllana puncha ña kuchuyamukpi, shikan pushak tukunkapak munakkunapa shutikunatapash paykunapa ruranakunatapashmi uyanchik, shinallatak tukuykunami sarunapi pantaykunata rurashkakunatapash yuyarinchik, paykunamantami jatun llakikunapi yaykunshkanchik, shinami kawsayka sinchi tukushka, shinallatak ayllukunapa rakirinapash kallarishka. Mashna llaki kaymanta tiyashkata yachankapakka ashtakatami unayanchikman. Shinapash kaypimi kanchik, ñukanchik kuyashka aylluta sakishpami rinchik, ñukanchik llaktata kunakchun munashkakunami shinapash mana ushashkakunachu. Shinami llaktamanta llukshishkanchik. Shuktak llaktapi kawsanaka mana jawallachu kashka, maykan llakikunatami apashkanchik, imashinapash ña chay llaktakunapi kawsay ushashkanchikmi.
Kunanka chay shina mushuk kawsaypi, chay shina ñanpi, chay shina punchan punchan puripi, mana sapallachu kana kanchik, ñukanchikpura yanapanakunami kanchik, shinami tukuypura llaktata rurana kanchik, chay shina ¡kutin llaktata charinkapak! Ñukanchik yanapayka Ecuador llakta shuktak tukuchun may mutsurishkami kanpash kankapash.
Ñukanchik tantanakuymantaka kamachikunata yupaychanata rikunaka punchan punchanmi tiyanka, chashnami imapash jarkaykunata atishun. Pikuna mana kikin llaktaman tikrankapak munakkunaka ñukanchik yanapaywanka chay mushuk llaktapi sakiri ushankami, shinami shuk mushuk kawsayta paypa ayllupapash chari ushanka.
Ecuadormanta karu llaktapi kawsakkunami kanchik, shamuk akllaypi unikillay tiyana yuyaytami charinchik, kaymantami mushuk Ecuadorta charinkapak mushuk ñanta shayachinkapak munanchik. Mana kishpichik shina tukuyta yachak shinachu kanchik, shinapash llaktapa ñanta unikillay ushanchikmi, ñukanchikka ima mutsurishkata yachanchikmi, mana willashkamanta, mana yuyashkamantallachu, mana, ñukanchikka chay llakikunata kawsashkanchikmi.
Ñukanchik llakta kunan ñukanchikta mutsurishkata yachanchikmi, kunanka karu llaktakunapi kawsashkamanta shuktak rikuyta, shuktak yuyaytapashmi charinchik. Unikillanaka ñukanchik makipimi kan. Akllaypimi ñukanchik shuktak tukushkata rikuchina kanchik, ñukanchik akllayka mikunamanta, sumak tullpukunamanta, akllanapa punchakunapi washapi waktachishkamanta mana katurinachu. Kunanka yuyashpami akllana kanchik. Kallarinallami kanchik, tukuykunammi ñukanchik munaywan Ecuador llaktata unikillay ushanchik.
¡Mashikuna! ¿Manachu kikin llaktaman tikranata yuyashkanki? Chayka ñukanchik makipimi kan, shinapash tikrashpaka shuk shikan Ecuador llaktata rikunkapakmi munanchik, maypimi ñukanchik wawakuna alli kawsayta chari ushachun, paykunawan imatapash paktashkata kushikunkapak. Mana Ecuador llaktaman tikrankapak munashpapash, ama Ecuadorta kunkaychu, ama kanpa aylluta kunkaychu, paykunaka kanta mutsunkunami.
Mawka partido político nishkakuna llaktapi kawsakkunamanta asik kashkataka yachanchikmi, chay shinami chay diputado, concejal, consejero tukunapi runpata jaytakkunata, yanka willaykunata willakkunata, pukllakkunata, televisónmanta rimakkunata, shukta shinakunatami kayashkakuna, ashtawan paykunata riksishkamanta ashtawan akllachunmi chashna rurankuna, paykunaka ñukanchik mana yuyal kashkatami yuyankuna. Chaymantami kunanka mana shina kashkata rikuchishun. Karu llaktapi kawsashpa ñukanchik unikillashkata rikuchishun, ima shina España llakta ashtaka karumanta mishukunata chaskishpapash alli apanakushpaka ñawpaman rikushkata riksichishun. Ñami sinchi shayarina punchakuna chayashka, chaytapak allimi akllana kanchik, akllankapak munakkunatami rikuna kanchik.
Tukuylla tantanakushpami mushuk llaktata shayachishun, chay llaktamanka tikrankapak munashunmi. Tukuymi kari, warmi, imapipash iñik, imapash yuyayta charikpash shinallatak yupaychaytapash, kishpi kanata, taripanata munakpash munashun. Shinaka mushuk llaktata charinkapakka yanapallami kanchik. Shinaka ¡Yanapay! Ama sarunpi shina político nishkakunamanta kutin ñukanchik kuyashka ayllumanta jichurinkapak ¡Yanapay!
Tukuy kaykunamantami ñukanchik tantanakuyka alli yuyashka rimanakushka kipaka, tukuy pushak tukunkapak munakkunapa ruranata rikushpapash, agosto killapi 16 punchapi, 2.006 watapi Rafael Correa Delgadota yanapankapak ari nishkanchik, pay Ecuador llaktapa pushak tukuchun. Payka Alinaza PAÍS tantanakuymantami kan, listas 35. Payka achiklla yuyaytami charin, paypash karu llaktapi kawsanata yachanmi, sumak yachakpashmi kan, Finanzas Ministro shinapash alli llamkak kashkata rikuchirkapashmi. Paypa gobiernopi kashpa imata ruranata rikushpaka mana millay kashkata, achiklla kashkatami rikuy ushanchik. Shinami payka diputado nishkakunapa akllaypika mana yaykushka. Ashtawanpash pushak shina akllakpika, asamblea nacional constituyente nishkamanmi kayachun nishka. Tukuy kaykunamantami Dr. Rabel Correa Delgadota ñukanchik mutsushka pushak kan. Paywanmi mushuk llaktata shaychishun, MUSHUK ECUADORTA, shinaka kunanmi kutinllatak llkatata charinkapak punchada kan, kan upalla sakirikpika, chaykunallatatakmi mishankakuna. Shinaka kanpa akllaywanpash kankunapa akllaywanpashmi chay millay político nishkunataka pampana kanchik.
Atentamente,
DIRECTORIO MOVIMIENTO DE EMIGRANTES ECUATORIANOS -MOVEME-
D. Max Bladimir Iñiguez / Presidente
D. Patricio Rodríguez / Vicepresidente
D. Manuel Guamán / Secretario
D. Jorge Carrera / Tesorero
D. Luís Pesantez / Director de Relaciones Públicas
Dª. Elisa Uyaguari / Directora de la Familia
Dª. Imelda Lligüicota / Directora Internacional y Cooperación
D. Gustavo Tituaña Carrión / Director de Educación
Contáctos
moveme_presidente@yahoo.es
moveme_catalunya@yahoo.es
Suscríbete:
http://es.groups.yahoo.com/group/emigrantes_ecuatorianos
Teléfonos: 0034 618 071 126 – 0034 659 261 512
|
|
|
|
 |
