IDta shayachikkunami chaypi kakkunata Correata yanapachun kayan
Izquierda Democráticapa sarunpi pushak Efrén Cocíosmi IDpi kakkunata kayarka, paykunatami ID “ama shukpa munashkatalla rurachunpash, ama ñawpaman rina shayarichunpash rikcharichun mañarka, shinallatak Alianza PAÍSmanta Rafael Correa pushak tukukrinapi yanapachunpash mañarka.
Cocíoska Alianza PAÍSpa wasipi “Congreso Nacional nishkapi upallallami millanayay tantanakuykunata rurarkakuna” nirka. Payka shuktak sarunpi IDta shayachikkunawan karka, chay shina Eduardo Rojas, Álvaro Bermeopash. Shinallatak paykunawan 400 yalli katikmi Izquierda Democráticamanta llukshishkakuna.
Pushak tukukrikuk Rafael Correaka ID nishkamanta, shuktak katikkuna kayman shamushkamanta kushillami chaskirkakuna, paykunaka “paykunapa pushakkunapa millanayay tantanakuyta” rurashkamanta llukshishkakuna, shinallatak Alianza PAÍSpa rurayman kimirishkakuna.
Correaka “Izquierda Democrática millay tantanakuy ukumanmi yaykushka, shinaka paypurallatakmi tukushka” nirka, ashtawanpash Efrén Cocíos rimashkaka “partidocracia nishka shuk yanka allpawan wasichishka urmakuktami rikuchin” nirkapash.
Pushak tukukrikuk Rafael Correaka “Asamblea Nacional Constituyente nishkami imatapash unikillankapakka mutsurin, chaytaka sarun Izquierda Democráticaka ari ninmami karka, shinapash kunanka chaytaka mana rikunayachinchu.
Sarunpi Izquierda democráticapa pushak Efrén Cocíos Correa-Morenomanta alli rimashka
Ñuka kikin yuyaywan, ñuka ruraykunata ñuka kamachikunata yachashpa, sarun sarunmanta polítco shina kashkata rikushpa, Izquierda Democrática nishkata shayachishkata yuyarishpa, chaypa 1.988 watapi pushak kashkata yuyarishpapash, chay watapi Izquierda Democrática pushanata paktashkata yuyarishpa, ñuka uma shunkuwan shinallatak lluki yuyayuk kashkata yuyashpami Correa-Morenota yanapankapak kimirisha nini.
Ecuador llaktaka kunanpi paypi kawsakkunapa mutsurishkakunata rikuna kashkata yuyashpami, upalla kanata, karulla kanataka mana usharinchu, chaymanta Rafael Correapa Gobiernopi kashpa ima ruranata rikushpa, paypa tantanakuyta rikushpamiEcuador llaktapi kishpiwanpash, mana shuwashpapash pakta pakta kawsana tiyana kashkata rikuy ushanchik, chay jatun yuyakunata sarunamantami ñukaka katishkani
Ñukabchik pushak tukukrikkunaka ñawpa político nishkakunawanpash charikkunawanpash mana imapash apanakuychu tiyan, ashtawanpash wanpra-kuytsakunata tukuy alli kawsayta makakkunatami kayankuna.
Shinami IDta katikkunata, kunan tantakushkata mana munakkunata, ñawpaman rikukta shayachishkamanta mana munakkunatami kay yanapayman kimirichun kayarka. Ñukanchikka pakta pakta kanatapash kishpi kanamantapash makanakushkanchikmi, chaytaka kay wanpra pushak tukurikkunapi paktana ushashkata rikurin, ashtawanpash katik pushak tukukrikuk Lenín Morenoka ID mantami karka nirka.
|
|
