TSE nishkami Rafael Correapa pushak tukukrik Alianza País ashtawan alli firma nishkakunata charishkata nirka
Alianza PAÍSmi Tribunal Supremo Electoralpi, shuktak tantanakuykunawan rikushpaka, ashtawan firma nishkakunata rikuchishka. Alianza PAÍSka 385.161 firmakatami rikuchirka, chaymantaka 304.926 firmami alli karkakuna. Kutin RED_ID nishkaka 338.205 firmata rikuchirka, chaymantaka 248.421 firmami alli karkakuna. Kayta rikushpaka Alianza PAÍSmi 56 waranka firma nishkakunawan mishan.
Alianza PAÍSpika chashna mishakta rikuhspaka, kay ishkay killapi Correapa pushak tukunata ashtawan munashkata nisha nin ninkuna, shinami León Roldósta mishashka, kayka 25 watatatmi política nishkapi kashka, shinallatak kimsa kutinmi pushak tukunkapak shayarishka.
MISHANA SHUNKUWAN.- “Akllana puncha 15 octubreka ñami chayamukun, shinapash ñukanchikta katikkunaka punchan punchanmi mirakunkuna, chaymantami ñukanchik mishakrikushkata yachanchik. Rafael Correaka ashalla kullkiwan, chuya willaytami kunakkaman rurashka, mana shukukuna shina ashtraka kullkita shitashkachu. Sapimanta unikillanaka tukuypimi tiyanka, ñukanchik llaktaka mana chaykunatallatak katinkapakchu kan, paykunami ñukanchik Estado nishkakunapa wasikunata urmachishka wakllichishka, chaymantami sapimanta unikillaykunata mutsurin, chaykunataka ña Gobiernopi kashpa enero 2.007mantami ruray kallaririnka, chaypaka Asamblea Constituyente nishkamanmi kayarinka, chashna tukuy kaypi kawsakkunaman, 13 junu, paykunapa munashkata, ñawpaman rinata kunkapak!” Alinaza PAÍSpa shutipi rimakkunaka nirkakuna.
175 CANTÓN NISHKAPIMI PUSHAK TUKUKRIKKUNATA CHARINKUNA.- Alianza PAÍSka tukuy chay 175 cantón nishkakunapi ashtawan alli runakunawanmi chay akllaypika kanka, chay runakunaka tukuykunapi yuyashpami llamkankakuna, chay sarun gobiernokunapi jichushka kashkakunata yuyashpami llamkankakuna.
|
|
