Rafael Correaka imamanta karu llaktaman rina tiyashkata tukuchisha nin
Alianza PAÍSpa pushak tukukrik Rafael Correaka kart llaktaman rishkakunapa ayllukunwan llakirirkami, shinallatak sarun agosto killapi Pacífico mama-kuchapi 94 runa wañushkamantapash shinallatak Mantapi sarun miércoles puncha iskun runa wañushkamantapash llakirirkami.
Correaka pay Gobiernopi kashkapaka, apakkunatapash kullkita mañachikkunatapash wichachishami nirka, shinapash ñukanchik llaktapi jatun wasikunapash kaypi kawsakkunapash unidilla tantanakushpa, kullki apanapipash, kawsaypipash, política nishkapipash llakikunata tukuchina kanchik, ama karu llaktaman richun, chay llakikunamantami 2 junu lla runakuna kaymanta llukshishkakuna nirkapash.
Tukuy kaypa Alianza PAÍS gobiernopi kashpa ruranapika ashtaka ruraykunami tiyan, chaykunawanmi kaypi kawsakkunapa ima mutsurishkakunata kurinka, shinallatak pi karu llaktaman rinkapak munakpi, paypa rina kamachita yupaycharinkami.
Gobiernopi kashpa ruranapika karu llaktamanta kullkita kachamukpika, kachamukpash chaskikpash mana ima kullkitachu kuna kanka, ashtawanpash chay kullki kachanamantapash kullki mañanata pishiyachirinkami, chay kachamushka kullki imapash llamkata tiyachik ruraypi churachunmi yanapashun.
Karu llaktapi kashpapash paykunaka akllay ushankami, chaypami pichkaniki suyuta shayachishun, chayka diputado nishkakunatapashmi akllarinka, paykunami karu llaktapi kawsakkunapa mutsurishkata rikuy ushankakuna.
Shinallatak consulado nishkakunapi ima ruranamanta mana kullkitachu kuna kanka, Secretaría Nacional de la Migración nishkatapash, kart llaktaman rikpa, paypa ayllupa seguro nishkatapashmi shayachina kanka. Shinallatak ñukanchik llaktamanta runakuna kart llaktakunapi jubilaci{on nishkta, seguro nishkata charichunmi shuktak llaktakunawan pankakunata killkana kanka.
|
|
