Correaka Febres Corderota “wiksasapa” nishpa kayarka, ashtawanpash asamblea constituyente tiyakpika, paypa jatunyashka kashkata kichunka nishpami mancharishka kan
Alianza PAÍSmanta pushak tukukrikuk Rafael Correaka León Febres Cordero Asamblea Nacional Constituyente tiyakpika, paypa jatun tukushka chinkarinamantami “manchaywan kan” nirka. “Kunanka kiru illak keóntami rikunchik, shinapash wakashpami katin. Asamble Nacional Constituyente nishkawanka paypa suni sillutapashmi cuchushun” nirkapash.
Alianza PAÍS diputado nishkapa mana shutikunata kilkachishkamanta, ashtawanpash Asamblea Nacional Constituyenteta shayanchinkapak munashkamantami PSCpa pushak rimarka, chaymantami chashna kutichirka.
Pushak tukukrikukka Febres Cordero pinak illak runami kan nirka, payka “mana llamkashpa kullkitya chaskinmi” nirka. Shina kashpapash kutinmi payta akllachun munan, shinapash payaka mana Congresoman llamkankapak rinchu, ashtawanpash paymantami ñukanchik llaktaka kunan llakikunapi urmarka, nirka.
“Imatak Febres Corderota Parlamento nishkata unikillachun munankayari, paymi Izquierda Democrática nishkawan chay teléfono celular nishakwan imatapash rurachin?” Febres Corderoka chay millay mapa partidocraciapa pushak shinami kan, payka chay fútbolta rikunkapak samana punchakunata ñawpachik Congresota unikillachunka mana sakinakachu, kay kunan Congreso nishkaka contralor nishkatapash mana akllay ushaskachu. Chay shina Congreso tiyashkamantami tribunalkuna rikukkuna paypa makipi kanka, shinallatak llanta pushakkunatapash llakichishpa katinka” Alianza PAÍSmanta pushak tukukrikka nirka.
Pi dictaduramanta rimay ushakka, kay PSCmanta pushakmi rimay ushan nirka. Payka sarunpi, pay llanta pushak kashpa, 1.984-1.988, Corte Suprema muyuntipi policíakunapa antawakunatami shayachirka, ashtawanpash runakunapa kamachikunata mana yupaychashkamantapash, ashtaka runakuna chinkashkamanta, wañuchishkamantapashmi rimana kan, nirkapash
Correaka allimantami makashkakunata, chinchishkakunata, wañuchishkakunata riksichishun nirka. Ricardo Jarrín, Consuelo Benavides, Fausto Basantes, Patricio Flores, Ricardo Merino, Carlos Santiago, Pedro Andrés Restrepo ima tukushkata yachashunmi nirka. Shinallatak Febres Cordero pushakukpi chay SIC-10 mana kashpa GIR nishka imata rurashkata yachashunmi nirkapash.
|
|
