Alianza Paíska asamblea constituyente nishka tiyachunmi yanapanka, diputación nishkapaka mana pita churankachu.
Sukta killa alli yuyashka kipami, Alianza PAÍSka diputación nishkapa mana pita churanata riksichirka, chaypa rantika Asamblea Nacional Constituyente nishkata shayachinkapakmi imatapash rural kallarina kan nirkapash, chaywanmi millay sistema político nishkata sapimanta unikillayta ruray usharinka nirka.
Chashnami pushak tukukrik Rafael Correaka Alianza PAÍSpa wasipi, Quitopi, nirka, payka “Estado nishkaka ña wañukuk shinami kan”, “ñukanchik llaktaka yallimana llakitami apan, chaytaka Asamblea Nacional Constituyente nishkawanmi janpi usharin” nirkapash. Kayta rikushpaka, Correaka diputación nishkaman mana pitapash churashpaska Congresopa shuk “llakichik shinami” kashkatami rikuchin, shinallatak “partidocracia nishkapa” kashkatapashmi rikuchin.
“Parlamento nishkatami munanchik, mana asichik wasitachu munanchik” Alianza PAÏSpa pushak tukukrikukka nirka, ashtawanpash Congresoka mana imapash pukllay shinachu kana kan, nirkapash. Imakunatapash televisión rurakkunata akllaypi churashpaka, tukuy warmikunapa karikunapa shuk “pinkaypash” “rimarik shinapashmi” kan, nirkapash, chaykunaka ñukanchik llaktapi ima mutsurishkakunata llakikunata allichinkapakka mana imata yachankunachu, nirkapash.
Congreso nishkaka “runakunapa, democracia wasikunapapash llakichik shinami kashka” nirka, chaymantami tukuy kay llakikunata tukuchinkapakka mushuk Constituciónta, políticapi shuk sapimanta unikillanatapash mutusrin nirka.
Correaka paypa Gobiernopika, enero killapi 15 punchapi 2.007 watapika, pushak tukushka punchallatakmi Asamblea Nacional Constituyenteta shayachinkapak kayanka, chaymi kaypi kawsakkunaman ushayta kutin kunkakuna, shinami “Congresopi chay partido político nishkakunaka mana ashtawan paykunapa munashkata ruray ushankapash”.
Pushak tukukrikukka pikunami Alianza PAÍSpa Gobiernopi kashpa imata rurana kashkata killkakukkunami ima shina Asamblea Nacional Constituyente nishkata shayachinapi ña tawka killakunata llamkakunkuna, chaypaka kaypi kawsakkuna ima nishkakunata uyashpami unikillaykunata nishkakuna.
Alianza PAÍSpa munashka unikillaykunaka kaykunami kankuna:
1.Política kinllapi kaypi kawsakkunapa imatapash ninata maskachun
2.Shuawanata chinkachina, Estado imatapash rurashpa, chay rurashka achiklla kachun;
3.Estado nishkaka mana shukkunapallachu kana kan, chay shina Tribunal Supremo Electoral pushanapi, Petroecuador pushanapi wakinkuna riksishkapurapalla kachun. Chay shinapa rantika, pushakkunaka paykunapa yachashkamantami akllashka kankakuna.
4.Diputado nishkakunataka llaktatata rkishpami akllarinka.
5.Diputado nishkakunataka ishkayniki akllanapimi akllarinka.
6.Llaktapa pushakka shuk kutin Congreso nishkataka wichay ushankami.
7.Congreso llaktapa pushakta llukchishpa kachashpaka, Congresopashmi tukurinka.
|
|
