Ñuka gobiernopi tukuy latinoaméricamanta llaktakuna shuk alli tantanakuyta charinka, Correaka nirka, chaytaka caribemanta latinoaméricamanta embajador nishkakunawan, GRULAC, tantanakuypimi chashna nirka
Quito llaktapi Caribemanta Latinoaméricamanta embajador nishkakuna kayakpimi, Alianza PAÍSpa pushak tukunkapak munak Rafael Correaka gobiernopi kashpa ima ruranamantapash paypa 5 jatun ruraymantapash riksichinkapak rimarka. Guatemalamanta, El Salvadormanta, República Dominicanamanta, Costa Ricamanta, Nicaragüamanta, Chilemanta, Uruguaymanta, Argentinamanta, Colombiamanta, Venezuelamantapash embajador nishkakunami chaypi karkakuna.
Emabajador nishkakunapa ñawpapimi puntaka Ecuador shuk sapimanta unikillayta mutsurishkata nirka, chaypaka Correaka kunanka mana unikillay pachachu kan nirka, ashtawankarin kunanka pachapa unikillaymi kan nirka, Ecuador llaktaka kullki charinapipash, kawsaypipash, política nishkapipashmi mushuk ruraykunata charina kan, chay neoliberal ruraykunataka kay llaktamanta llukchishpami kachana kan, chay neoliberalismo nishkaka 25 watatami llakichishpa tiyashka nirka.
Paypa gobiernoka tukuy shuktak gobiernokunata yupaychakmi kanka, shinallatak Ecuadorka imapi kashpapash, katuna rantinapipash yupaychashkami kana kan, chay shina shuk alli tantanakuy tiyachun, chay tantanakuyka katuna-rantinapi, hidrocarburos nishkapi, política nishkapi, llamkaypipashmi tiyana kan, chayka tukuy kay Ecuador llaktapi kawsakkunapa Latinoaméricapi kawsakkunapapashmi alli kana kan, chashna GRULAC nishkamanta wakchakuna, llaki apakkuna shuk shikan ashtawan alli kawsayta charichun.
|
|
