Luis Macasman Rafael Correapa killkashka panka
Alianza Paíspa pushak tukunkapak munak, economista Rafael Correaka , Pachakutikman shuk killkashka pankatami kacharka, chaypimi Luis Macasta allikachin shinallatak Ecuadormanta runakunapa tantanakuyta yanapanpash.
Correaka, Pachakutik Macasta pushak tukunkapak akllashkata yupaychanmi, shinapash Alianza País shuk ñawapaman rinata shikan kawsayukkunawan tantanakushpa munashkata nirkapashmi.
Chaymantami, economista Rafael Correaka paypa killkashka pankapi “kay punchakuna lluki yuyaykunata charikkuna tantanakushpa ashtawan katikkunata charik pushak tukunkapak munakpa kuchupimi kana kanchik, chay shina chay llaktayuk kanchik nikkunata, millay shuwak banco nishkakunamanta pushak tukunkapak munakta mishankapak” nirka.
-------------------------------------------
Quito, mayo, 30, 2.006
Pachakutikmanta kuyashaka karipash warmipash mashikuna
Kuyashka Luis Macas
Kay killkashka pankawanmi, Ecuadormanta runakunapa tantanakuyta shuklla shina katikta allikachishpami rikuni, shinallatak Pachakutikpa cosejo político nishka, 24 mayopi, Lucho Macasta pushak tukuchun akllashkatapash yupaychanimi.
Macas alli kashkataka pipash manataka mana ninkachu.
Shinaka, Alianza Paísmanta, Lucho Macasta yupaychanimi, shinallatak ñukanchikka kankunawan rimanakunkapak munashkata uyachinchikmi, ñawpaman rinata shikan kawsayyukkunapa tantanakuyta shayachinkapak, chay shina Ecuador llaktapa kikin kashkata mitsankapakpash, karilla kankapakpash.
Lluki yuyakkunaka kay punchakunata mana yankalla yallichun sakinachu kanchik, chaymanta ashtawan katikkunata charik pushak tukunkapak munakwanmi tantanakuna kanchik, chay shina kay llaktaka ñukanchikpami kan nikkunata, millay shuwak banco nishkakunapa pushak tukunkapak munakta mishankapakpash.
Ecuadormanta lluki yuyayyukkunapa mishanamanta, shuk napay!
Rafael Correa Delgado
|
|
