'20 ABRILPI SHUWAK WASHANCHIK GUTIERREZPA GOBIERNOTA SHITAKKUNATA
KUSHIKUSHPAMI RIKUNI'
Ecuador llaktamanta runakunata llapik washanchik gobiernota shitashkamanta
2.005 watapi Abril killapi 20 punchapi wakin forajido nishkakunawan
wañushkakunata, makanakuypi kashkakunatapashmi yuyarirkakuna. Rafael
Correaka Lucio Gutiérrez urmachun makanakushka runakunatami yuyarirka
“Kay llaktaka 20 abril 2.005manta shukmi tukurka. Runakunaka paykuna
democracia nishkapi ushayta charishkata yachay chayarkakuna, shinaka
paykunataka mana yankalla kashka shinatachu rikuna kanchik, Quito llaktapika
mana 2 unu tiyanchu shinpash 200 patsak waranka yallimi kunkaylla
jatarirkakuna” shinami Rafael Correaka willakkunapa ñawpapi nirka.
“Millay políticokunawan makanakunakapak ashtakatami shuyashkanchik, kay
makanakuyka mana kullkiwanchu rurashka karka, mana sarunmanta chashna
rurashun nishkachu karka, chunka, patsak, waranka waranka runakunapa
kunkaylla jatarimi karka Quitopimi ashtawan karka, shinapash waranka waranka
Guayaquilpipash, Cuencapipash, Riobambapipash, shuktakunapipashmi
jatarirkakuna, tukuykunami chay gobiernota ña millanayachirkakuna” shinami
Alianza PAISpa pushak tukunkapak nirka.
“Kayka runakunapak munaymantallami karka, mana cuartel nishkata mutsurkachu,
shinami chay dictócrata nishka yuyachinkapak munarka, mana partido
políticokunapa umakuna ari-ninakuymantachu Congreso Nacionalka pushakta
churarkakuna, 1.997 shina, ashtawankarin runakunapa munamantallami chay
millay pushaktaka chaylla! nirkapash llukchishpa kacharkapash” chashnani
Alianza PAISpa pushak tukunkapakka nirka.
Correaka Alianza Democrática Nacionalpash Iniciativa Ciudadanapash kay
tantanakuy ukupika mutsurishkakunami kankuna, shinallatak shamuk
akllaykunapi imapipash llamkankapak allimi kankuna, ashtawanpash “Alianza
PAISca mana akllaypallachu tantanakushka kan” nirka. Shinallatak kay
tantanakuypika Runakunapa Unikillayta allikachinkapakmi kaypi kanchik
nirkapash.
|
|
