SUMAK YACHANA WASIKUNAMAN KULLKI KUNAKA MANA PISHIYANKACHU
Llakta Pushak Rafael Correaka kunan tutami Sumak Yachana Wasikunapa pushakkunaman paykunaman kullki kunaka mana shuklla centavopash pishiyankachu nirka. Shinapash sarunpi shina, kusha nishkaka mana tiyankachu nirka. “Ashtawan kuy ushashpaka kushunmi, shinapash chaytaka imapa kashkata rikushpami, kushun” nirka.
Llakta Pushakka shamuk 2008 wataka shinallatakmi kanka nirka, mana alli kakpipash, sarunpi shinami rakishpa katirinka nirka. Shinapash tukuy Sumak Yachana Wasikunamanmi Suyupa Watan Kullkimantaka 6% mana kashpaka 7% nishkami kana kanka nirka, chayta yachankapakmi rimanakuna kanchik nirka.
Llakta Pushakka “kuy ushashkakamanka tukuyta rikushpa, allita rakishpa, mana imata pakashpami kurinka, mana kunankaman shina kusha nishpachu kurinka, shinallatak kamay kanchamanta Sumaka Yachana Wasikunamanka mana kurinkachu, kaykunaka kamaypa Sumak Yachana Wasikunapa kullkitami pishiyachin” nirka.
Tantaripika Conesup nishkapa pushakkunami karka, paykunapa ñawpika Gustavo Vegami karka, shinami kamaymantapash kamay kachamantapash Sumak Yachana Wasikunapa pushakkunapash, yachachikkunapa shutipi, llankakunapa shutipi, yachakukkunapa shutipi kachamushkakunapashmi chaypi karkakuna. Pushay Yachay chayachi Wasi pushak Ricardo Patiñopash, Senplades nishkapa pushak Fander Falconípash; SRI pushak Carlo Marx Carrascopashmi chaypi karkakuna.
Llakta Pushakka paypa suyuman kullki kunata mushukyachishkawanka impuesto a la renta nishkataka 83% nishkami mana kuna kan nirka, shina shinalla imatapash charikkunaka mana sarun shinachu kuna kanka, paykunaka hanpirinawan, yachachinawan, wasi kawsanawan suyuman kullki kunata pishiyachi ushankunami, chaymantami sarunwan rikushpaka, ashallata kunkakuna nirka.
Llakta Pushakka “kunana mana mushukyachishpaka, shamuk opunchakunapika mana mushukyachi usharinkachu” nirka. Llakta Pushakka “Kankuna yanapasha nishkataka allikachinchikmi, chayka mana ñukapachu kan, chayka ñukanchik llaktapami kan, shinami casillapash, pakta paktapash, karillapash, kikinpa kashkta mitsakpash llakta hatarichishun, chaytami charina kanchik, chashna kachunmi muskunchikpash” nirka.
SRI nishkamanta rimashka.- SRI nishka pushak Carlos Marx Carrascoka Llakta Kamayka Sumak Yachana Wasikunapash municipio nishkakunapash chaskikushka kullkitaka kunami kanchik nirka.
SRI nishka pushakka Llakta Kamachi Tantarimanta kachamushkapika allichishka tiyashkata nirka, shinapash pay kachashkaka shinallatakmi kan nirka.
Conesup nishkamanta rimashka.- Gustavo Vegaka IVA nishkamantapash, Ley de Fomento Permanente de Desarrollo Universitario y Politécnico (Fopedeupo mishu shimipi) nishkmantami imapash rimaykunata allichina kan nirka, shinallatak chaykunaka tiyanami kankuna nirka. Kaykunataka Llakta Kamachi Tantaripi Kamachiwan katinapash rikunapash Patakupi ña rimashkata nirka.
Kamay chay kullkikunata mana chinkachinkapak munashkamamta pagui nirkami. Vegaka Senplades pushak Fander Falconíwan, ima puncha, Llakta Pushakman “yachachinapi imakunata mushukyachishkata rikuchinkapak” munashkatami nirka, chay shina ñukanchik llaktata mushukyachinkapak sumak yachana wasikunapa yuyayta riksichun nirka.
Gustavo Vegaka sumak yachana wasillamantatak sinchimi rimarka, “sumak yachana wasi kikin munashkata ruranapi llakikuna tiyashkata rikushpami rimanchik, kunanka allita ruranamanta, ima rurashkata rikuchinamanta, achiklla kanamanta, sumak kanamantapashmi rimana kanchik. Chaykuna mushuk yuyaykunami kankuna, mushuk wayra shinami kankuna, chay yuyaykunatami katisha ninchik” nirka.
Shamuk tantarinamanta.- Shamuk 2008 wata, febrefro killapa, 8 punchapami mushuk tantarika kanka, chaypimi sumak yachana wasita mushukyachinamanta rimakanpak sakirirka, chaypimi ima yuyaywan watan kullki kunatapash, sumak yachan wasikunapa kamachimantapash, sumak yachana wasi kikin munashkata ruranamanta, shuktakunamantapash rimarinka nirka.
|
|
|
|
 |
