KAMAYKA LLAKTA KAMACHI TANTARI MILLAY HANPITA APAKKUNA WICHASHKATA KACHARICHUN MUNAN
Llakta Pushak Rafael Correaka Millay hanpikunata Kamachita rikushka kipaka, “mana amiripa kashkata” rikushkata nirka, shinallatak wakinkunaka mana wichashkachu kana kankuna nirka, shinaka Llakta Kamachi Tantaritami wichashkakunata kacharichun mañakrikushkata nirka. Chashna apakkunataka chantazu nishpami kayankuna nirka.
Llakta Pushakka chay kamachipika mana amiripakunami tiyan, chaypika apakwan, chayta katukwanka mana shikan kashkata rikunchu nirka. “Kamachipika shinallatak kashkata nin, shinami Cali hatun millay pushakwan, kusa illak mama millay hanpita apakwanka shinallatak kankuna. Chayka mana shinachu kana kan” nirka.
Millay hanpi kamachika mana pakta paktachu kan.- Chay kamachika “Estados Unidosmantami shamun, Estados Unidos nishkamantami, chayka 90 watakunapi América Latinapi tiyay kallarirka” nirka. Chay kamachitaka kutin kutinmi rikuna kanchik nirka. “Shuk llankay illak kullkita charinamanta millay hanpita apashkamantaka mana shuk shuwak shinachu kan, shinapash paytaka 12 mana kashpaka 16 watatami wichachin, chayka mana shinachu kana kan” nirka.
Llakta Pushakka “chashna apakkuna Estados Unidosmanta kakpika, unaytami chayta ña shuktakyachinman karka, shinapash latinoaméricamanta kashkamantami 16 wata wichachun nin. Chayka mana chashna katinachu kan, chaypipashmi llankakunchik” nirka.
“Kayta nishkamanta ashatakunami ñukata rimay kallrinkakuna, karu llaktakuapash rimankami, shinapash ñukanchik kikin yuyaywanmi imatapash rurasha ninchik. Chaytaka mana millay hanpita apakkunawanllachu shina rurakrinchik, tukuy waichashkakunawanmi chashna rurakrinchik. Ñukanchikka runata rikuk kamaymi kanchik, chaymantami wañunkakaman wichachinata mana ninchik, wañuchinata mana ninchik. Tukuy kawsakkunami kutin kawsayta kallarina kankuna” nirka. Shinami Llakta Pushakka 48 radio nishka rimanapi Carondelet Sumak wasimanta rimarka.
|
|
