KAMAYKA ALLI WILLASHPAMI, PAYTA KATIKKUNATA MIRACHINKA
Llakta Pushak Correaka tukuy alcalde nishkakunapa mutsurishkatami rikusha nirka, shinami kay diciembre killa, 26 punchapi tukuy mama llaktapi tiyak alcalde nishkakunawan rimasha nirka, shinami “tukuy mama llaktapi ñawpaman rinata” paktachishun nirka.
Shinami CNN nishkapa shutipi Quitpi kak Rodolfo Muñoz willak tapukpika, Llakta Pushakka kutichirka. Willakka kay kamayka marxista leninnintas nishkami kan nirka, kamaypi Carlos Marx –SRI nishkapa pushak Carlos Marx Carrascomanta- tiyashkamanta, kipaka 2008 watapi akllanamantami tapurka.
Llakta pushakka achiklla kanamantami rimarka. “Allitami rurashkanchik, chaymantami kaypi kawsakkkunaka ñukatapash, Kamaypi llankakukkunatapash alliman rikukunkuna, ñukanchik kankuna shina yankapash, mana llulllakpash, alli shunkuyukapashmi kanchik” nirka. Shinallatak alli llankakkunata charishkatapash nirka. “Ñukanchikka tukuykunata uyashpa, mana llullashpa, mana imata pakashpa, tukuykuna alli kashkata maskashpami rurashkanchik, chaytami tukuykuna rikushkakuna, chaymantami allikachishkakuna” nirka.
Mushuk Llakta Kamachita ari ninkapak akllanapipash, octubre killapi hatun llaktakunapa pushakkunata akllankapipash mushuk Kamachi imapi alli kashkatami willashun nirka.
Hatun llakta kamaykunaka millay pushaykunawanmi kankuna.- “Ñukanchikka shukniki, ishkaniki, kimsaniki municipio nishkakuna tiyashkataka mana yuyanchikchu, shinapash kunankamanmi chashna kashka” nirka, Shinami Quitopash Guayaquilpash Suyupa kullkita ashtawan hapik kashkamanta rimarka. “Mana shashnachu katina kan”, shinapash mana llaktakunata llakichisha ninchikchu nirkapash.
Llakta Pushakka “Quito Guayaquil ashtawan alli alcalde nishkakunaka uchilla llaktakunapi imakunatapash rurakkunami kankakuna” nirka, chay llaktamanmi ashkakuna rinkuna, shinami kayman chayman chay llaktakuna wiñankuna, mutsurishkakunapash wiñankunami, chaytaka mana hawallachu allichi usharin nirka.
Alcalde nishkakunawan tantarinamanta.- Shamuk miércoles punchami chawpi puncha mikunapi alcalde nishkakunawan tantarinka. “Chaypimi mushukyachishkakuna ima shina kashkata willashun, sarunpi kuna nishkataka anchuchishun, paykunamanka Suyupa Watan kullkimantami kushun, chayka ashtawan achikllami kanka” nirka.
Llakta Pushakka “paykunapa mutsurishkamanta 20% nishkata kukushpaka, paykuna chuya yakupa, mapa yakuta chaskinapa, ñankunapa mutsurikpika, 40% nishkakamanmi kuy ushashun, kaytaka alli riukushpami kushun. Mana ashtawan piña kakmanchu ashtawan kushun” nirka.
|
|
