SUYUMAN KULLKI KUNATA MUSHUKYACHISHKAKA CHARIKUNATAMI LLAKICHIN
Llakta Pushakka “kankuna rurachun nishkata rurakukpimi, wakarinakun, paykunata kayta chayta rurankapak sakichik! Mana nishkamantami wakarinakun” nirka, chaytaka wakin llankachik wasiyukkuna chashna suyuman kullki kunata mushukyachikushkata mana munashkamanta imakunatapash nikushkamantami chashna nirka.
Llakta Pushakpa yuyaypika mana llankanakuna. Mana tukuywan rimashpa rurana, mana allita riksichishka nishkakunaka unayachunmi munankuna, shinami Llakta Kamachi Tantari mana ruray ushakachu ninkakuna nirka.
Llakta Pushakka kunan mana munakkkuna sarunpika mana llaktapi kawsakkunata tapushpami imakunatapash upalla rurarka , yallimanami kullki charinapika llakichirka, shinami chay Fondo Monetario Internacional nishkapa munashkata paktachirkakuna nirka.
Llakta Pushakka “kay mushukyachik kamachitami Llakta Kmachi Tantariman kachashkanchik, paykunami alli kashka mana alli kashkata rikunkakuna, chaytaka mana ishkay kimasa killapichu ruranka, shina kachunmi kamayta mana allikachikkuna munan, chaytaka chunka pichka punchapimi rurana kan” nirka.
Llakta Pushakka llaktapi kawsakkunatami rikuriyachun mañarka, shinallatak ama charikkunapa nishkata uyaychikchu nirka, paykunaka Kamaytami mana allipi churankapak munan, ña yachanchikmi, paykunaka kamachi wakchakunapa alli kakpika, mana allichu ninkuna” nirka.
|
|
