LLAKTA KAMAYKA ÑANPI PURINA KAMACHITAMI LLAKTA KAMACHI TANTARIMAN KACHANKA
Llakta Pushak Rafael Correaka kunanmi enero killapi kallari punchakunapi Llakta Kamachi Tantariman Ñanpi Purina Kamachita kachakrikushkata willarka, chayka “tukuyta rikushpa rurashkami kan” nirka. Ecuadorpi kawsakkunatami mana punta shina kachashka kamachi kashkamanta kishpichiway nirka.
Llakta Pushakka imamanta mana punta shina kachashkata willarkapash, “kankunaka nishkata paktachik shina kashkata yachankichikmi, shinapash Runakunapa shutipi kaka Hatun Tantarika llakichinkapak munarkakmi, chaymantami chusku uchilla ima mushukta churarka, chay kipaka kaypimi mushuk ñanpi purina Kamachika kan” nirka, kunanka chay kamachika ñami allichishka kan, ashtawanpash “alli allimi kan” nirka.
Llakta Pushakka Kullki charinata mushukyachinata rimashka kipami kachanata nirka, chayka eneropimi kanka. Chay kamachitaka karu llaktakunamanta kunakkunami rikushka nirka, àykunaka “América Latinata rikushpaka, chay kamachika ashtawan allimi kan nirkakuna” nishpami willarka.
Tukuyta rikuriyak kashka.- Llakta Pushakka chay Ñanpi Purina Kamachika tukuyuta rikuriyakmi kan, shinami ñanpi purinata, chakilla purikkunata, purichina pankakunata, huchamanta kullki kunakunata, yachakunata, ñanpi ima shina purinata yachakunatapash charin nirka. “Ñami Ecuadorpi kawsakkunaka riksinka” nirka.
|
|
