LLAKTA KAMAYKA ORELLANAPI LLAKI TIYASHKATA ALLICHINMI
Orellanapi harkay tiyashkamanta Auca Sur nishkamantapash, Auca Central nishkamantapash, Cononaco nishkamantapash yana kurita mana surkuy usharishka.Harkayka 47 surkuna utukutami mana surkuchi sakishka, 36.000 puntu yana kurita mana surkushkamantami kimsa hunu dólarta punchanta mana chaskishkanchik, mana chayllachu kan, surkuna muyunti panpakunapipashmi imakunatapash wakllichishka. Kayta rikushpami, Runa Hatari Llakta Kamaypash paypa Llakta Pushak Rafael Correapash Suyupa kashkata allita rikunkapakmi kaykunata nin:
1. Shuk mushuk Tantarimi tiyan, chaypa ñawpika Llakta ukupipash, kanchapipash llaki illachi Wasi pushak Fernando Bustamantemi kanka, payka kunan Amazoníapimi kan, shinami pikuna chashna rurashkata rikurinka, chaypika Makanakukkunapipash, Llakta Chapaypipash, Petroecuadorpa llankakkunapipash, shuktak wasi pushanapipashmi rikushpa allichirinka.
2. Petroecuadorta kunatak rikunapi churarin, mushuk pushak shinaka Contralmirante Fernando Zuritami kakrin.
3. Petroecuadorpa mushuk pushakpa ruranaka harkakkunata, wakllichikkunatami taripanka, ayllu llaktamanta kakpipash, FOPECA llankachik wasimanta kakpipash, Petroecuadorpa llankakkuna kapipash, huchachishpa, llakichirinkami.
4. Orellana markata kunantak rikunapi churanata yuyakurinmi.
5. Llakta Pushak Correaka chay shina ruranataka mana sakirnkachu, kamachita rikushpami llakichirinka.
6. Llakta Pushakpash Petroecuador Pushakkunapashmi Carlos Pareja Yannuzellita pagui nirkakuna, shinallatak payaka Llakta Pushakpa kunak shinami llankanka.
|
|
