ELOY ALFAROPA AYLLUKA LLAKTA KAMAY WAÑUSHKAPA PUCHUSHKA TULLUKUNATA MONTECRISTIMAN APACHUN ARI NIRKAMI
Llakta Pushak Correaka Irene Márquez de la Platapa makimantami Alfaro Delgado ayllu Guayaquilmanta Alfarto Llaktaman wañushakapa asha tullukunata apachun ari nirka, chay warmika Eloy Alfaropa wawa wawa wawami kan. Llakta Kamay Alfaropa aylluwanmi pankakunata killkarka.
Irene Márquezka wañushkapa tullukunaka Guayquilpipashmi sakirinka nirka, chaytaka Guayaquilpi kawsakkuna munashkamantami chashna kanka nirka, chay llaktapika Mana Mishak General nishkakata kunankamanmi kuyankuna nirkapash.
Alafaropa tullukunaka kay noviembre killamanta 30 punchamantami Montecristipi kanka, chayka Alfaropapash, paypa ayllupapash paypa llaktata kuyak kashkatami rikuchinka nirka.
Márquezka paypa ayllupa kamachi yachak Dr. Byron Andradewanmi karka, chaypipashmi Llakta Pushakman shikan ñawpa killkashka pankakunatapash kurka.
Llakta Pushakka Alfaro Llaktapi tullukuna chayamukpi chaskinapipash, panpanapipashmi kanka.
Chaypika Colombiamanta Llakta pushak Alvaro Uribepash; Venezuelamanta Llakta pushak Hugo Chávezpash; Perúmanta Llakta pushak Alán Garcíapashmi kanka. Brasilmanta Mitsanakuy Wasi pushakpash, Bolivimanta karu llaktakunawan Apanakuy Wasi pushakpashmi kankakuna.
|
|
