KATUNA PUSHAYKA ASHTAWAN RURAK MAMA LLAKTAKUNATAMI RIKUNA KAN
Llakta Pushak Correaka kunanmi kay killa, shamuk 30 puncha Llakta Kamachi Tantari Alfaro Llaktapi llankay kallarikpi, pushanataka paykunapa makipi sakisha nirka.
Llakta Pushakka “chaypmi pushanta sakinata nisha, chay shinami Llakta Kamachi Tantarika imatapash ruray ushanka, ñukata wasiman kachanka, pushanta ñukaman minkanka, ima paykuna munashkatami ruray ushanka, paykunata chayta rurankapak ushankunami” nirka.
Llakta Kamachi Tantari ruray ushashka.- Llakta Pushakka Llakta Kamachi Tantarika sarun abril, 15 punchapipash, sarun septiembre killa, 30 punchapipashmi sumakta misharkanchik, chaymantami imatapash ruray ushankuna. “Kaypi kawsakkunami akllaypi ima ruranata nishka, chaytami paktachina kanchik” nirka.
Millay mana mishakkuna.- Llakta Pushakka “man mishay ushashkakunaka imatapash nishpami piñachinkapak munankuna” nishpami, willakkunata “Partido Social Cristiano Llakta Kamachi Tantaripa mishakpika, Nebot Alcalde mana chashnachu nikunman karka, nachu? Nishpami tapurka. “Puntaka pay nishkataka mana hatun rimay kashka shinatachu rikuna kanchik” nirka.
2008 watan kullki.- Llakta Pushakka kachamushka 2008 watan kullkita mutsurishkataka Llakta Kamachi Tantariman kusha nirka, chaypimi ari ninka mana kahspaka mana ninka nirka. “Runakunapa shutipi kak Hatun tantarika imatapash ni ushanmi, Llakta Kamachi Tantari manarak imatapash nikpika, chay nishkaka valinmi, kamachipa ñawpapi allimi kan, chayta rikushpa imatapash rurashunmi, shinapash chayka shamuk 2008 watapami kan, enero 1 punchapami kan” nirka.
|
|
