LLAKTA PUSHAK CORREAKA KARU LLAKTAKUNATA RIKUSHPAMI TIKRAMURKA
Llakta Pushak Rafael Correaka kunanmi Quitoman tikramurka, 21h00 yalli kakpimi chayamurka, payka paywan rishkakunawanmi tikramurka, paykunaka shuk uchilla antankapimi tikramurkakuna, chay antankapika chunka ishkayllami shamurkakuna, chay antankataka Indonesia Kamaymi mañachirka. Chay mama llaktapimi karu llaktakunata rikuk rinata tukuchirka, puntaka Arabia Sauditatapash, Chinatapashmi rikuk rirka.
Kayman shamushpaka, antankaka Vancouver, Canadápimi ashata shayarina karka.
Mariscal Sucre antanka chayanapika, paypa warmi Anne Malherbepash, paypa shuk ushipashmi Llakta Pushaktaka chaskirkakuna; chaypika Katik pushak Lenín Morenopash, wakin Wasi pushakkunapashmi, chay shina Kamay Wasi pushak Gustavo Larreapash, chaskinkapak chaypi karkakuna.
Willaykunaman rimana.- Llakta Pushakka willaykunawanmi rimanka, chayka kay miércoles 28 puncha, 10h00 tukukpimi, Carondeletpi kak Killu Sumak ukupi rimanka, chaypimi paypa rishkapi imalla tiyashkakunata rimanka.
|
|
