LLAKTA PUSHAK CORREAKA INDONESIAWAN TANTARINAMANTAMI RIMAN
Llakta Pushak Rafael Correaka kunanmi ñukanchik llakta “kushnitapash yana kuritapash surkunapi tantarishpa ruranataka utiyallami rikuna kanchik, shinami Ecuadormanta Petroecuadorpash, Indonesiamanta Pertaminapash tantarishpa llankankakuna” nirka.
Llakta Pushakka “ñukanchik llaktapi allpapi tiyashkaka ñukanchik llaktapa kashkatami yuyanchik, chayka ñukanchik llaktapi kawsakkunapami kana kan, chayka mana surkuk chariyuk llanakchik wasikunapachu kana kan, paykunaka ashtawan alli kashkata apak kashkakuna, kutin ñukanchikmanka pitkunallatami sakik kashkakuna” nirka.
Llakta Pushakka ecuador Indonesiawan tantarishpa ashtawan imakunatapash rurana kashkamantami rimarkapash, “mana makanakushpa, yanapanakushpa, kishpilla kashpa, shikan yuyayta ari nishpa, tukuykuna nishkata uyashpa” tantarishpa llankanata nirka, shinami Indonesiawan yana kurita surkunapi pankakunata killkanapi nirka.
Llakta Pushakka “Ecuadorka Pacífico mama kucha mana yanaka shina kashkallatachu rikun, chaymantami Indonesiawan chashna kimirinataka kushikushpa rikun, shinallatak ishkay tukushpa, riksikkuna shina, imapash llankaykunata rurashpa, ishkantinpa ñawpaman rinapami alli kanka, llaktapi kawsakkunapa kawsay ashtawan alli kachunpashmi alli kanka” nirka.
Ecuador Llakta Pushakka Indonesia Llakta Pushak Susilo Bambang Yudhoyonotami Ecuadorman shamuchun kayarka.
|
|
