LLAKTA PUSHAKKA INDONESIATA RIKUK RINATAMI KALLARIN
Llakta Pushak Rafael Correa Delgadoka Indonesiapi kak Halim antanka chaynamanmi 16h20 tukuki chayarka, payka Shangai, Chimambntami shamurka, kaypika Indonesiamanta Karu llaktakunawan Apanakuy Wasi pushak Hassan Wiarjudapash, Indonesia Llakjta Chaskina Pushak Handriyo Kusumo Priyopash; shinallatak Indonesiamanta hatun pushakkunapash; Ecuadorpa shutipa katuna-rantinapa chaypi kak Lenín Housse Dávalospashmi chaskirkakuna.
Llakta Pushakka Karu llaktakunawan Apanakuy Wasi katik pushak Rafael Paredeswanpash; Anta surkuypash Yana kuripash Wasi pushak Galo Chiribogawanpash; Petroecuador pushak Carlos Parejawanpash; Willay Wasi killak Julia Ortegawanpashmi Indonesiamn chayarka.
Llakta Pushakka chayman chayashpaka, Ecuadormanta Indonesiaman rishkakunawanmi tantarirka, shinallatak Llakta Pushakka tanpuman rishpaka, tanpuka Kuninganpimi kan, antanka chayna Soekarno-Hattamantaka chuk chunka pichka wawa pachami mutsurin, chayta yallishpami ashtaka killkashka pankakunata rikurka, chay pankakunapika shamushkamanta kushilla kashkatami nikurka, chay killkashkakuna hatun ñankunapipash, llakta uku ñankunapipashmi karkakuna.
Llakta Pushakka kay noviembre killa, lunes 26 puncha tutamantami Istna Mederka Sumak Wasiman rinka, chaypimi kushilla chaskinkakuna, shinallatak ishkantin llakta pushakka tantarinkakunapash, tantaripika ishkantin llaktamanta Karu llaktakunawan Apanakuy Wasipa kachashkakunapash, shuktak kashkunapashmi kankakuna
|
|
