LLAKTA KAMACHI TANTARIKA PUNTAMI ANTAWA PURICHINAPASH ALLPATA APANA-APAMUNAPASH KAMACHITA RIKUNKA
Katik pushak Lenín Morenoka, minkashka llakta pushak, kunanmi Llakta Kamachi Tantaripa pushak kakrikuk Alberto Acostaka “Llakta Kamachi Tantarika puntami Antawa Purichinapash Allpata Apana-apamunapash Kamachita rikunka” nirka.
Shinami Katik pushakka antawa purinamanta llaki apashkakunataka kunan tutamanta Carondelet Sumak Wasipi nirka, paykunaka Kamaytami chay kamachita Llakta Kamachi Tantari punta rikuchun mañarkakuna, shinallatak paykunapuramanta Antawa Purichina Llakta Tantaripi kachunpash mañarkakuna, shinallatak purichina pankakuna yupayta rurachunpashmi mañarkakuna.
Katik Pushakka “Runakunapa shutipi kak Hatun tantarika utiyallami chay Kamchita rurashka, chaypika rikuchinakunamantapash, ñankunapi ima shina purinamanta yachachinaka mana tiyanchu, taripakkunamanta, huchakunamanta, huchamanta llakichinakunapash mana tiyanchu” nirka.
Katik pushakka Antawa purichina Kamachita rikuchinapi ari ninapi shuk “rikuk” shina kakrikushkatami nirka, shinamichay llakitaka tukuyta rikushpa allichishun nirka.
Llaki apashkakunapa ayllukunapurapika Joaquín Moncayopa tayta-mamapash; Francis Fiallospa taytamanta hatun mamapash, kay wawaka Tambillopi llaki kipaka tayta-mama illakmi sakirirka, shuktak ayllukunapashmi karka.
|
|
