ÑANKUNAPI LLAKI ILLAY LLAKTA RURANAKA 2008 WATAMANTA ENERO KILLAMANTAMI TIYANKA
Kamay Wasi pushak Gustavo Larreaka kunanmi Antawa purina Kamachiwanka Ñanpi llaki illay Llakta Ruranapash tiyana kan nirka, chaytaka ñami Antawa purina Llakta Tantaripash, Apay apamuy Wasipash, Kamay Wasipash rurakun nirka, shinami chay Ruranataka shamuk 2008 watamanta, enero killamanta chaywan llankarinka nirka.
Chashnami wasi pushakka antawa purinamanta llaki apashkakunataka nirka, paykunaka kunan tutamantami Carondelet Sumak Wasiman chayarkakuna.
Seguro nishka charina kanamanta.- Shinallatak “mana shuk Kamachillatachu charina kan, ñankunapi llaki ama tiyachun pushaytami mutsurin, shinallatak seguro nishkapashmi tiyana kan, chayka shamuk 2008 watamanta, enero killamantami tiyana kan” nirka.
Kay Ruranapika “wakin ñankunapi ashtawan llaki tiyashkatami rikuna kan” chaymantami ñankunataka michata charikta, imapash willaykuna tiyashkata, shuktakkunatapash alli alli rikukunkuna nirka.
Taripanakunamanta.- “Antawa Purina Llakta Tantaripika killkashkpa yachantapash, antawata purichishpa yachanatapashmi taripanka, chaytaka shamuk enero killamantami chashna ruranka, chaypimi purichikkuna alli kashka, mana alli kashkata yacharinka, purichi ushan mana ushan yacharinka” nirka.
Antawa purichina Kamachi.- Wasi pushakka “Antanka purichina Kamachi kallari killkashkaka ñami rurashka kan, shinapash chaytami, manarak chay kamachipi kakkunawan rimashpami, Llakta Kamachi Tantariman kusha ninchik, chashna kakpimi, chay kamchitaka ashtawan allita allichirinka, chaymanta rimanakunka, shinami ña tukuykuna allikachinkakuna” nirka.
|
|
