KAMAYPA YASUNÍ ITT NISHKAKA 1.000’000.000 YANA KURI PUNTUTAMI ALLPA UKUPI SAKINKA
Katik pushak Lenín Morenoka, minkashka llakta pusha shina, kunanmi “Kamaypa Yasuní Ishpingo, Tambococha, Tiputini (ITT) nishkaka yana kurita mana surkunachu nin, chay yana kurita allpa ukupi sakinatami nin, shinami 1.000’000.000 puntuta allpa ukupi sakirinka” nirka.
Shinami Karu llaktakunawan Apanakuy Wasi pushak María Fernanda Espinosawan Mikuna Sumak Ukupi willakkunaman nirka, chaypimi ima alli kashka, imakuna tiyashka willarkakuna.
Lenín Morenoka Yasuní ITT nishkaka ashtawan charik mama llaktakunapami alli kan, paykunaka ña mana ashtawan carbono nishkatachu llukshichinka, shina kakpika, ashtawan kiwa wiwa tiyashka allpatami wakaychirinka nirka, “kamaypa chashna rurasha nishkaka tukuykuna allikachishpa rikuchun, allpa-wayra alli charinapika shuk unancha shinami kan” nirka.
“Yasuní ITT” nishkamanta rurashpa yachakunamanta.- Sarun killakunami Llakta Kamayka Kati pushay Wasiman Yasuni ITT nishkata allichichun mañarka, chayka ñami pichka killa tukushka nirka, shinapash kay killa shamuk 26 punchami rurashpa yachakuna “Yasuni IIT” nishka tiyanka, chaypimi Kamaypa kachamushkakunamanpash, kaymantapash karu llaktakunamantapash amawtakunaman ima nisha nikta riksichirinka nirka.
Katik pushakka “lunes punchami kullkimanta imakunatapash allichirinka, kipaka Karu llaktakunawan Apanakuy Wasipa makipimi sakirinka nirka”
Lenín Morenoka Llakta Kamayka Yasuni Panpatami wakaychina yuyan, chaypaka “kaymantapash karu llaktakunamantapash allpa-wayrata alliman charinkapak munakkunapa yanapaytami charinchik” nirka.
|
|
